ಡಿ. 08, 2017: 50 ವರ್ಸಾಂಚ್ಯಾ ಯಾಜಕೀ ದೀಕ್ಷೆಚ್ಯಾ ಭಾಂಗಾರೋತ್ಸವ್ ಸಂದರ್ಭಾರ್ ಆಪ್ಲ್ಯಾ ದೆವಾಧೀನ್ ಜಾಲ್ಲ್ಯಾ ಸಾಂಗಾತಿ ಯಾಜಕಾಂಚೊ ಉಗ್ಡಾಸ್ ಕಾಡುನ್ ನವೆಂಬರ್ 29 ತಾರಿಕೆರ್ ಬುದ್ವಾರಾ ಸಾಂಜೆರ್ 5 ವರಾರ್ ವಾಲೆನ್ಸಿಯಾ ಇಗರ್ಜೆಂತ್ ಬೆಂಗ್ಳುರ್ಚೊ ಆರ್ಚ್‍ಭಿಸ್ಪ್ ಅಧಿಕ್ ಮಾನಾಧಿಕ್ ದೊತೊರ್ ಬರ್ನಾಡ್ ಮೊರಾಸ್, ಮೊನ್ಸಿಂಝೊರ್ ಡೆನಿಸ್ ಮೊರಾಸ್ ಪ್ರಭು – ವಿಗಾರ್ ಜೆರಾಲ್ ಆನಿ ಸಾಂಗಾತಿ ಯಾಜಕಾಂನಿ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಉಪ್ರಾಂತ್ ಯಾಜಕಾಂಚ್ಯಾ ಸೆಮತೆರಿಚಿ ಭೆಟ್ ಕರುನ್ ಮಾಗ್ಣ್ಯಾ ವಿಧಿ ಚಲವ್ನ್ ವರುನ್ ದೆವಾಧಿನ್ ಜಾಲ್ಲ್ಯಾ ಯಾಜಕಾಂ ಪಾಸೊತ್ ಮಾಗ್ಣೆಂ ಭೆಟಯ್ಲೆಂ. ಮಿಸಾಚ್ಯಾ ಸುರ್ವೆರ್ ವಿಗಾರ್ ಬಾಪ್ ಜೇಮ್ಸ್ ಡಿ’ಸೋಜ ಹಾಣಿಂ ಸ್ವಾಗತ್ ಕೆಲೊ ಆನಿ ಹ್ಯಾ ಜುಬ್ಲೆವ್‍ದಾರಾಂ ಖಾತಿರ್ ಆನಿ ತಾಂಚ್ಯಾ ದೆವಾಧಿನ್ ಜಾಲ್ಲ್ಯಾ ಸಾಂಗಾತಿ ಯಾಜಕಾಂ ಖಾತಿರ್ ಮಾಗ್ಚ್ಯಾಕ್ ಹಾಜರ್ ಆಸ್‍ಲ್ಲ್ಯಾಂಕ್ ಉಲೊ ದಿಲೊ.
